Ярим ҳимоячи Энцо Фернандес 2022 йилнинг ёзида "Ривер Плейт"дан "Бенфика"га ўтди. Tuttomercato хабарига кўра, ўшанда "Милан" аргентиналик футболчини ўз сафига қўшиб олиш имкониятига эга бўлган, бироқ А Серия гиганти 12 миллион евро эвазига трансферни амалга оширишдан бош тортган.
Ўша йилнинг охирида Энцо Фернандес Аргентина терма жамоаси таркибида жаҳон чемпиони бўлди. Ярим ҳимоячи Қатардаги жаҳон чемпионатининг энг яхши ёш футболчиси деб топилди. 2023 йилнинг январь ойи охирида Фернандес "Челси"га ўтди - лондонликлар футболчи учун 121 миллион евро тўлашди.
2023/2024 йилги мавсумда Энцо Фернандес 24 та ўйинда 4 та гол урди ва шеригига битта голли узатма берди.