Tiagu Djalo kelasi hafta “Yuventus” futbolchisiga aylanadi.

Insayder Fabrisio Romano xabariga ko‘ra, himoyachi yakshanba kuni Turinga uchib ketadi va dushanba kuni tibbiy ko‘rikdan o‘tadi.

"Byankonerilar" portugaliyalik uchun "Lill"ga 3,5 million yevro to‘laydi va yana keyingi sotuv summasining 10 foizini ham o‘tkazishi kerak bo‘ladi.

Futbolchi italyan klubi bilan 2028 yilgacha shartnoma imzolaydi.

O‘tgan mavsumda Djalo Liga 1da 25 ta o‘yin o‘tkazib, 2 ta gol urgan. U tizzasidan olgan jarohati tufayli bu mavsumda maydonga tushmadi.