"Tottenxem" qishki transfer oynasida bir qator futbolchilar bilan xayrlashishga tayyor. "Shporlar" yarim himoyachi Pyer-Emil Xyoybyerg, qanot himoyachisi Brayan Xil va chap qanot himoyachisi Rayan Sessenyon bo‘yicha takliflarni tinglamoqchi.
Agar sotish yoki ijaraga olish uchun maqbul variantlar yuzaga kelsa, londonliklar uch futbolchidan birortasini ham o‘z safida qoldirmaydi.
Transfermarkt ekspertlari Pyer-Emil Xyoybyergning narxini 28 million yevroga baholamoqda. 28 yoshli daniyalik futbolchiga Italiyaning “Yuventus” va “Napoli” klublari qiziqish bildirishgan. Xuddi shu portal 22 yoshli Brayan Xilni 16 million yevroga, 23 yoshli Rayan Sessenyonni esa 13 millionga baholagan.
