Senegallik hujumchi Sadio Mane o‘z terma jamoasi uchun rekord o‘rnatdi.
“An-Nasr” futbolchisi Afrika kubogi bahsida Kamerun terma jamoasi darvozasiga aniq zarba berib, tablodagi yakuniy natijani qayd etdi – 3:1.
Opta xabariga ko‘ra, Mane Senegal terma jamoasi tarixida to‘rt xil Afrika kubogi musobaqalarida gol urgan birinchi futbolchi bo‘ldi (u avval 2017, 2019 va 2021 yillarda gol urgan).
Senegal terma jamoasi ikki turdan keyin olti ochko bilan o‘z guruhida peshqadamlik qilmoqda. Navbatdagi o‘yinda jamoa gvineyalik raqiblari bilan to‘qnash keladi.
O‘yin 23 yanvar kuni bo‘lib o‘tadi. Sadio Mane Senegal uchun 98 o‘yinda 40 ta gol urgan.
