Сенегаллик ҳужумчи Садио Мане ўз терма жамоаси учун рекорд ўрнатди.
“Aн-Наср” футболчиси Aфрика кубоги баҳсида Камерун терма жамоаси дарвозасига аниқ зарба бериб, таблодаги якуний натижани қайд этди – 3:1.
Opta хабарига кўра, Мане Сенегал терма жамоаси тарихида тўрт хил Aфрика кубоги мусобақаларида гол урган биринчи футболчи бўлди (у аввал 2017, 2019 ва 2021 йилларда гол урган).
Сенегал терма жамоаси икки турдан кейин олти очко билан ўз гуруҳида пешқадамлик қилмоқда. Навбатдаги ўйинда жамоа гвинеялик рақиблари билан тўқнаш келади.
Ўйин 23 январ куни бўлиб ўтади. Садио Мане Сенегал учун 98 ўйинда 40 та гол урган.
