"Bavariya" bosh murabbiyi Tomas Tuxel jamoa o‘ng qanot himoyachisini qaysi me’zonlarga ko‘ra izlashini tushuntirib berdi.
“Biz har doim ko‘nikmalarning to‘liq to‘plamini qidiramiz. Yosh, kelishgan, muvaffaqiyatli bo‘lsa kerak (kuladi). Vaziyat noaniq. Albatta, boshqa klublar ham xuddi shunday maqsadlarga ega. Qishdagi transfer oynasi yozga qaraganda qiyinroq bo‘ladi", - dedi Tuxel matbuot anjumanida.
“Men aniq nomlarni muhokama qilmayman, chunki o‘yinchilarimiz boshqa klublar tomonidan muhokama qilinishini ham istamayman. Biz allaqachon kuchaytirmoqchi bo‘lgan pozisiyalarni aniqlab oldik, ammo kerakli o‘yinchilarni topa olmasak, bu mavsumdagi maqsadlarimizdan voz kechamiz degani emas. Biz hozirgi tarkib bilan ularga erishishga harakat qilamiz”, - deya qo‘shimcha qildi nemis mutaxassisi.
