"Бавария" бош мураббийи Томас Тухель жамоа ўнг қанот ҳимоячисини қайси меъзонларга кўра излашини тушунтириб берди.
“Биз ҳар доим кўникмаларнинг тўлиқ тўпламини қидирамиз. Ёш, келишган, муваффақиятли бўлса керак (кулади). Вазият ноаниқ. Aлбатта, бошқа клублар ҳам худди шундай мақсадларга эга. Қишдаги трансфер ойнаси ёзга қараганда қийинроқ бўлади", - деди Тухель матбуот анжуманида.
“Мен аниқ номларни муҳокама қилмайман, чунки ўйинчиларимиз бошқа клублар томонидан муҳокама қилинишини ҳам истамайман. Биз аллақачон кучайтирмоқчи бўлган позицияларни аниқлаб олдик, аммо керакли ўйинчиларни топа олмасак, бу мавсумдаги мақсадларимиздан воз кечамиз дегани эмас. Биз ҳозирги таркиб билан уларга эришишга ҳаракат қиламиз”, - дея қўшимча қилди немис мутахассиси.
