Bilasiz, Farhod Nishonov boshqaruvidagi O‘zbekiston yoshlar terma jamoasi joriy yili U-20 Osiyo kubogi saralash bahslarida ishtirok etadi. Oldinda turgan musobaqalarga reja asosida tayyorgarlik ko‘rish maqsadida bugun vakillarimiz Toshkentda navbatdagi o‘quv-mashg‘ulot yig‘inlariga kirishishdi.

25 yanvardan boshlab yig‘inning ikkinchi qismi Indoneziyaning Jakarta shahrida davom ettiriladi. Jamoamiz Tailand va Indoneziyaga qarshi o‘rtoqlik o‘yinlari o‘tkazishi rejalashtirilgan.

28 yanvar
Tailand - O‘zbekiston

30 yanvar
Indoneziya - O‘zbekiston

Ma’lumot o‘rnida, ayni kunlarda terma jamoaga nomzod bir qator futbolchilar o‘z klublari safida yangi mavsumga tayyorgarlik ko‘rayotganligi sababli murabbiylar shtabi yangi futbolchilarni ko‘rikdan o‘tkazishni maqsad qilishgan.