"Inter" hujumchisi Lautaro Martines "Napoli" bilan ertaga, 22 yanvar kuni bo‘lib o‘tadigan Italiya Superkubogi finali haqidagi fikrlari bilan o‘rtoqlashdi.
"Napoli"ga qarshi o‘yin biz uchun muhim bo‘ladi, chunki biz kuchli raqibga qarshi turamiz. G‘alabaga erishish uchun ko‘p mehnat qilishimiz kerak, ammo bu uchrashuvga barchamiz tayyormiz. Jamoamiz birlashgan. Italiya Superkubogida g‘alaba qozonish - bu mavsumdagi maqsadlarimizdan biri", - dedi Martines.
Eslatib o‘tamiz, Italiya Superkubogining final uchrashuvi Saudiya Arabistonidagi "Al-Avval Park" stadionida bo‘lib o‘tadi. Uchrashuv Toshkent vaqti bilan 23:59 da boshlanadi.
"Inter" Italiya Superkubogining amaldagi g‘olibi. O‘tgan mavsumda ushbu turnir finalida "neradzurrilar" "Milan"ni 3:0 hisobida mag‘lub etgandi.
