Nunu Eshpiritu Santu Ayvan Tonining jarima zarbasidan urgan golidan norozi bo‘ldi.
"Brentford" forvardi jarima zarbasini tepilishidan oldin to‘pni ikki marta o‘ngga siljitdi - hakam to‘pni belgilashda foydalangan ko‘pik bilan birga. Uchrashuvning 19-daqiqasida Toni jarima zarbasini pastki burchakka aniq amalga oshirdi.
Uchrashuv yakunda "Brentford"ning 3:2 hisobidagi g‘alabasi bilan yakunlandi. Uchrashuvni Darren Inglend boshchiligidagi hakamlar brigadasi boshqarib bordi.
- Tonining zarbasi sizni bezovta qiladimi?
- Albatta, ha. Bu to‘pni almashtirish edi. Qoidalar bor: har bir gol tekshirilishi kerak va gol olib keladigan har bir vaziyat tekshirilishi kerak. Ular tekshirganmi yoki yo‘qligini bilmayman, lekin bu to‘pni almashtirish.
Futbolchilarning nolimasliklari meni ham hayron qoldirdi. Menimcha, bu vaziyatda biz biroz yetukroq bo‘lishimiz kerak, chunki u jonli devorning o‘rnini o‘zgartiradi.
Tribunadagilarning barchasi o‘z pozisiyasi bilan jonli devor xatosi deb o‘ylaydi, lekin to‘pning aniq harakati bor edi - nafaqat dyuym (1 dyuym = 2,54 santimetr), balki deyarli bir yard (1 yard = 0,9144 metr)" - dedi "Nottingem Forest" bosh murabbiyi Nunu Eshpiritu Santu.
