Ertaga — 23 yanvar sanasida Liganing maydonlar uchun javobgar mutaxassislari Xorazmga yo‘l oladi. Superliga maydonlaridan keyin navbat Pro liga maydonlariga etib keldi.
Reja bo‘yicha Liga tarkibi 26 yanvar kuni G‘uzor hamda Muborakda bo‘ladi. 29 yanvar sanasida esa Yaypan hamda Qo‘qondagi stadionlar ko‘zdan kechiriladi. "Qizilqum" Superliga uchrashuvlarini "Buxoro SM"da o‘tkazishidan kelib chiqib, "Buxoro SM" avvalroq ko‘zdan kechirilgan.
"Aral" 2024 yilgi mavsumda ham sun’iy maydonda o‘yin o‘tkazadi. Ammo mazkur yilda Nukusdagi "Turon" va yana bir maydonda ta’mirlash ishlari olib borilishi ko‘zda tutilgan. Bu haqda Liga keyinroq ma’lumot beradi.
