Avstraliya terma jamoasi bosh murabbiyi Grem Arnold Osiyo kubogi guruh bosqichi 3-turidan o‘rin olgan O‘zbekistonga qarshi o‘yin oldidan o‘z fikrlari bilan o‘rtoqlashdi.

"Ochig‘ini aytaman, Mitchell Dyuk tizzaosti mushagidan olgan jarohat tufayli safdan chiqdi. Shu bois, u O‘zbekistonga qarshi o‘yinni o‘tkazib yuboradi. Shuning uchun boshqa o‘yinchilarga imkoniyat beraman. Tarkibda bir nechta o‘zgarishlar bo‘ladi. Ammo futbolchilar o‘rtasida farq katta emas. Boshqa o‘yinchilar maydonga tushsa ham, jamoa avvalgidek kuchli bo‘ladi, deb o‘ylayman.

Biz O‘zbekistonga qarshi bahsda g‘alaba qozonmoqchimiz. O‘zbekiston rivojlanib kelayotgan mamlakat. Ular futbolga ko‘p pul sarflashyapti. O‘zbekiston yaxshi jamoa. Biz esa seshanba kuni bo‘ladigan o‘yinga tayyor bo‘lamiz.

So‘nggi ikki hafta ichida biz jamoaning hujum qilish modeli haqida ishladik. Endi esa himoya bilan ishlarga ham biroz e’tibor qaratamiz.

Biz avval boshdan guruh g‘olib bo‘lishni maqsad qilganmiz. Bu ajoyib musobaqa. Dastlabki ikkita o‘yinda g‘alaba qozonganimizdan xursandmiz. O‘yindan o‘yinga to‘g‘ri yo‘ldan ketayotganimizga ishonchim komil bo‘lib bormoqda