Австралия терма жамоаси бош мураббийи Грэм Арнольд Осиё кубоги гуруҳ босқичи 3-туридан ўрин олган Ўзбекистонга қарши ўйин олдидан ўз фикрлари билан ўртоқлашди.

"Очиғини айтаман, Митчелл Дьюк тиззаости мушагидан олган жароҳат туфайли сафдан чиқди. Шу боис, у Ўзбекистонга қарши ўйинни ўтказиб юборади. Шунинг учун бошқа ўйинчиларга имконият бераман. Таркибда бир нечта ўзгаришлар бўлади. Аммо футболчилар ўртасида фарқ катта эмас. Бошқа ўйинчилар майдонга тушса ҳам, жамоа аввалгидек кучли бўлади, деб ўйлайман.

Биз Ўзбекистонга қарши баҳсда ғалаба қозонмоқчимиз. Ўзбекистон ривожланиб келаётган мамлакат. Улар футболга кўп пул сарфлашяпти. Ўзбекистон яхши жамоа. Биз эса сешанба куни бўладиган ўйинга тайёр бўламиз.

Сўнгги икки ҳафта ичида биз жамоанинг ҳужум қилиш модели ҳақида ишладик. Энди эса ҳимоя билан ишларга ҳам бироз эътибор қаратамиз.

Биз аввал бошдан гуруҳ ғолиб бўлишни мақсад қилганмиз. Бу ажойиб мусобақа. Дастлабки иккита ўйинда ғалаба қозонганимиздан хурсандмиз. Ўйиндан ўйинга тўғри йўлдан кетаётганимизга ишончим комил бўлиб бормоқда