"Chelsi" markaziy himoyachisi Levi Kolvill kelajagi borasida bir qarorga keldi.
Jurnalist Ben Jeykobsning so‘zlariga ko‘ra, “Liverpul”ning qiziqishi haqidagi so‘nggi mish-mishlarga qaramay, ingliz futbolchisi Maurisio Pochettino jamoasini tark etish niyatida emas.
Manbaning qo‘shimcha qilishicha, "Chelsi" ham yozda yangi shartnoma imzolagan futbolchisi bilan xayrlashmoqchi emas.
"Ko‘klar" Kolvillda katta imkoniyatlarni ko‘rmoqda va uni qo‘yib yuborish niyati yo‘q. Angliya premyer-ligasining ushbu mavsumida 20 yoshli Kolvill bitta gol urdi va bitta golli uzatmani amalga oshirdi.
Levi chempionatdagi yagona golini o‘tgan mavsumda ijara asosida o‘ynagan "Brayton" darvozasiga kiritdi.
