"Bavariya"ning sobiq futbolchisi Lotar Matteus myunxenliklar jamoasi bosh murabbiyi Tomas Tuxelni tanqid qildi. Tanqidlarga sabab kechagi Bundesligada o‘z uyida 0:1 hisobida mag‘lubiyatga uchragan "Verder"ga qarshi o‘yinda yarim himoyachi Leon Goreskani zaxirada qoldirish qarori bo‘ldi.
"Goreska o‘yinni asosiy tarkibda boshlamadi, bu atmosferaga yomon ta’sir qilmoqda, chunki futbolchilar Leonga qarshi qarorni tushuna olishmayapti. Goreska o‘z sheriklari bilan yaqin aloqada va uzoq vaqtdan beri klubda. U "Verder"ga qarshi o‘yin natijasiga katta ta’sir o‘tkaza oladigan mentalitetga ega. Leon jarima maydonchasi ichida va tashqarisida katta kuch olib keladi, chiziqlarni buzadi, duyellarda g‘alaba qozonadi va ko‘p foydali narsalarni qiladi", - deya Matteusning so‘zlarini keltiradi Sky.
