"Бавария"нинг собиқ футболчиси Лотар Маттеус мюнхенликлар жамоаси бош мураббийи Томас Тухелни танқид қилди. Танқидларга сабаб кечаги Бундеслигада ўз уйида 0:1 ҳисобида мағлубиятга учраган "Вердер"га қарши ўйинда ярим ҳимоячи Леон Горецкани захирада қолдириш қарори бўлди.
"Горецка ўйинни асосий таркибда бошламади, бу атмосферага ёмон таъсир қилмоқда, чунки футболчилар Леонга қарши қарорни тушуна олишмаяпти. Горецка ўз шериклари билан яқин алоқада ва узоқ вақтдан бери клубда. У "Вердер"га қарши ўйин натижасига катта таъсир ўтказа оладиган менталитетга эга. Леон жарима майдончаси ичида ва ташқарисида катта куч олиб келади, чизиқларни бузади, дуелларда ғалаба қозонади ва кўп фойдали нарсаларни қилади", - дея Маттеуснинг сўзларини келтиради Sky.
