"Chelsi" bosh murabbiyi Maurisio Pochettino London klubi uchun Liga kubogi finaliga chiqish qanchalik muhimligini tushuntirdi. Eslatib o‘tamiz, birinchi yarim final uchrashuvida “ko‘klar” “Midlsbro”ga minimal hisobda yutqazgandi (0:1). Javob o‘yini ertaga "Stemford Brij"da bo‘lib o‘tadi.

“Yolg‘on aytmayman, biz uchun finalga chiqish va “Uembli”da o‘ynash juda muhim. Finalga chiqish biz uchun qanchalik muhimligini maydonda ko‘rsatishimiz kerak. Bu qiyin bo‘ladi, lekin o‘zimizga ishonamiz”, - dedi Pochettino matbuot anjumanida.

Eslatib o‘tamiz, “Midlsbro” hozirda chempionshipda 11-o‘rinda bormoqda.