"Челси" бош мураббийи Маурисио Почеттино Лондон клуби учун Лига кубоги финалига чиқиш қанчалик муҳимлигини тушунтирди. Эслатиб ўтамиз, биринчи ярим финал учрашувида “кўклар” “Мидлсбро”га минимал ҳисобда ютқазганди (0:1). Жавоб ўйини эртага "Стемфорд Бриж"да бўлиб ўтади.
“Ёлғон айтмайман, биз учун финалга чиқиш ва “Уэмбли”да ўйнаш жуда муҳим. Финалга чиқиш биз учун қанчалик муҳимлигини майдонда кўрсатишимиз керак. Бу қийин бўлади, лекин ўзимизга ишонамиз”, - деди Почеттино матбуот анжуманида.
Эслатиб ўтамиз, “Мидлсбро” ҳозирда чемпионшипда 11-ўринда бормоқда.
