“Chelsi” futbol klubi o‘zining rasmiy saytida Fransiyaning “Lion” klubi bilan portugaliyalik hujumchi Diyegu Moreyraning ijara shartnomasini bekor qilganini e’lon qildi.
London klubi futbolchini 2023 yilning iyunida "Benfika"dan sotib olgandi. Diyego "ko‘klar" safidagi debyutini avgust oyida Liga kubogida "Uimbldon"ga qarshi o‘yinda o‘tkazdi. 1 sentyabr kuni Moreyra "Lion"ga ijaraga berildi. Fransiyada bo‘lgan vaqtida Portugaliya U-21 terma jamoasi futbolchisi to‘qqizta o‘yin o‘tkazdi.
Portugaliyalikning London klubi bilan amaldagi shartnomasi 2028 yilning yoziga qadar tuzilgan. Transfermarkt futbolchining bozor qiymatini 3 million yevroga baholagan.
