"Manchester Yunayted"ning yarim himoyachisi Kazemiro Saudiya Arabistoni klublari uchun eng ko‘p orzu qilingan futbolchi. Jurnalist Nizar Kinsella xabariga ko‘ra, mankunianliklar shu oyda braziliyalikni kerakli narxda sotishga tayyor.
31 yoshli Kazemiro jarohati sabab mavsumning birinchi yarmining katta qismini o‘tkazib yubordi. Faqatgina Angliya Premyer-ligasining so‘nggi turida braziliyalik futbolchi safga qaytdi, ammo "Tottenxem"ga qarshi o‘yinda foydalanilmagan zaxira futbolchisi bo‘lib qoldi.
2022 yilning yozida “Manchester Yunayted” Kazemiro uchun “Real”ga 70 million yevrodan ko‘proq pul to‘lagan edi.
