"Inter" bosh murabbiyi Simone Indzagi "Napoli"ga qarshi bo‘lajak o‘yin haqida o‘z fikrlari bilan o‘rtoqlashdi. Bugun, 22 yanvar kuni Italiya Superkubogi uchun final uchrashuvi bo‘lib o‘tadi.
"Bu final, bunday o‘yinlar ko‘pincha alohida epizodlarda hal qilinadi. Ehtiyot bo‘lishimiz kerak, chunki biz bu finalga ikki yarim kungina tayyorgarlik ko‘rdik. Italiya chempioni bilan o‘ynaymiz. Ligada ular biroz muammolarga duch kelishdi va ular murabbiyni o‘zgartirishdi, ammo ular uzun zaxira o‘rindig‘i va sifatli tarkibga ega jamoa", - dedi Indzagi Sky Sport Italy bilan suhbatda.
"Napoli" – "Inter" uchrashuvi Toshkent vaqti bilan soat 23:59da boshlanishi rejalashtirilgan.
