"Интер" бош мураббийи Симоне Индзаги "Наполи"га қарши бўлажак ўйин ҳақида ўз фикрлари билан ўртоқлашди. Бугун, 22 январь куни Италия Суперкубоги учун финал учрашуви бўлиб ўтади.
"Бу финал, бундай ўйинлар кўпинча алоҳида эпизодларда ҳал қилинади. Эҳтиёт бўлишимиз керак, чунки биз бу финалга икки ярим кунгина тайёргарлик кўрдик. Италия чемпиони билан ўйнаймиз. Лигада улар бироз муаммоларга дуч келишди ва улар мураббийни ўзгартиришди, аммо улар узун захира ўриндиғи ва сифатли таркибга эга жамоа", - деди Индзаги Sky Sport Italy билан суҳбатда.
"Наполи" – "Интер" учрашуви Тошкент вақти билан соат 23:59да бошланиши режалаштирилган.
