"Roma" qishki transfer oynasida ijaraga olingan eronlik hujumchi Serdar Azmunning ketishiga qarshi.
Bu haqda insayder Fabrisio Romano ijtimoiy tarmoqlarida yozdi.
Unga ko‘ra, rimliklar allaqachon boshqa jamoalardan kelgan hujumchi bo‘yicha bir nechta takliflarni rad etishgan.
Aytgancha, ulardan biri avvalroq Azmunga qiziqish bildirgan "Sevilya" edi. Azmun 2023-yilning yozidan buyon “Roma”ning bir qismi hisoblanadi.
To‘g‘ri, Serdar o‘z klubi uchun deyarli gol urmaydi - A Seriyaning 13ta uchrashuvida atigi bitta gol urgan.
Azmun joriy mavsum oxirigacha "Roma"da ijarada o‘ynamoqda, "Bayer" esa 2027 yilning yoziga qadar futbolchi huquqlariga ega.
