Artur Vermeren "Barselona" o‘rniga "Atletiko"ga o‘tadi.
Insayder Fabrisio Romano xabariga ko‘ra, Madrid klubi "Antverpen" bilan transfer shartlari bo‘yicha og‘zaki kelishib olgan. 18 yoshli futbolchiga 22 million yevro to‘lanadi, bonuslar va keyingi sotish summasining ma’lum foizi ham taqdim etiladi.
Hozirda futbolchining o‘zi bilan shartnoma tafsilotlari muhokama qilinmoqda. Ehtimol, u payshanba kuniyoq Ispaniyaga uchib ketishi mumkin.
Yarim himoyachi "Barselona" qiziqayotgan futbolchilar orasida ekani avvalroq xabar qilingandi.
