"Xetafe" hujumchisi Meyson Grinvud "Barselona"ga o‘tmoqchi.
Eslatib o‘tamiz, 22 yoshli futbolchi hozirda ispan klubida ijarada o‘ynamoqda va uning shartnomasi "Manchester Yunayted"ga tegishli.
The Sun xabariga ko‘ra, vinger o‘z maslahatchilariga o‘zini uzoq vaqtdan beri kuzatib kelayotgan "Barselona"ga o‘tishga tayyorligini aytgan.
Manbaga ko‘ra, "qizil iblislar" Grinvudni Kataloniya klubiga 40 million funt sterling (46,7 million yevro) evaziga qo‘yib yuborish niyatida.
Joriy mavsumda Grinvud barcha turnirlarni hisobga olgan holda 19ta o‘yinda qatnashib, beshta gol urdi va to‘rtta golli uzatmani amalga oshirdi.
