"Хетафе" ҳужумчиси Мэйсон Гринвуд "Барселона"га ўтмоқчи.
Эслатиб ўтамиз, 22 ёшли футболчи ҳозирда испан клубида ижарада ўйнамоқда ва унинг шартномаси "Манчестер Юнайтед"га тегишли.
The Sun хабарига кўра, вингер ўз маслаҳатчиларига ўзини узоқ вақтдан бери кузатиб келаётган "Барселона"га ўтишга тайёрлигини айтган.
Манбага кўра, "қизил иблислар" Гринвудни Каталония клубига 40 миллион фунт стерлинг (46,7 миллион евро) эвазига қўйиб юбориш ниятида.
Жорий мавсумда Гринвуд барча турнирларни ҳисобга олган ҳолда 19та ўйинда қатнашиб, бешта гол урди ва тўртта голли узатмани амалга оширди.
