O‘zbekiston terma jamoasi yarim himoyachisi Jaloliddin Masharipov Osiyo kubogi guruh bosqichida o‘yinlar borasida o‘z fikrini bildirib o‘tdi.

"Hozirda barcha terma jamoalar qanday o‘ynashni yaxshi biladi. Eng muhimi — har bir mashg‘ulotda sidqidildan mehnat qilish va murabbiyning barcha ko‘rsatmalariga amal qilish.

Mirjalol Qosimov bizga aytardi: Agar o‘yinchi sifatida o‘sishni va g‘alaba qozonishni istasangiz, buning uchun faqat mehnat qilish kerak. Maydonda nomlar hech narsani hal qilmaydi. Shuning uchun murabbiyning ko‘rsatmalarini bajarishga harakat qilyapmiz.

Avstraliya — yaxshi shakllangan jamoa. Biz to‘pni yaxshi nazorat qilishga harakat qilamiz. Shu bilan birgalikda to‘psiz harakat qilishga ham intilamiz. Shunday qilsak, Osiyoning eng yaxshi jamoalaridan biriga aylanamiz.

Avstraliyaga qarshi o‘yin biz uchun muhim ahamiyatga ega edi. Kechagi o‘yinda o‘z maqsadimizga erishganimizdan xursandmiz.

Biz o‘z o‘yinimizni kuchaytirishni istagandim. Shuning uchun ijobiy natija qayd etdik. Murabbiy bizdan konsentrasiyani yo‘qotmagan holda maydonda bor kuch bilan o‘ynashni talab qilgandi. Biz shunga harakat qildik", — dedi Masharipov OFK rasmiy saytiga bergan intervyusida.