Londonning "Tottenxem" klubi yarim himoyachisi Jovani lo Chelso hozirgi jamoasida baxtli.
Jurnalist Migel Delainining ma’lumotlariga ko‘ra, argentinalik futbolchi bosh murabbiy Anje Postekoglu bilan yaxshi munosabatda bo‘lib, u futbolchiga muhim rolni va’da qilgan.
Eslatib o‘tamiz, avvalroq "Barselona" "Vilyarreal" va "Betis"ning sobiq yarim himoyachisini mavsum oxirigacha ijaraga olmoqchi edi, biroq Postekoglu Lo Chelsoni qo‘yib yuborishdan bosh tortgandi.
Jovani jarohati tufayli so‘nggi bir necha haftani o‘tkazib yubordi, ammo argentinalik futbolchi safga qaytishga yaqin turibdi. 27 yoshli Lo Chelso Angliya premyer-ligasining ushbu mavsumida ikkita gol urdi va ikkita golli uzatmani amalga oshirdi.