"Borussiya" vingeri Jovanni Reyna Dortmund klubini tark etishga yaqin qoldi. Bu haqda jurnalist Florian Plettenberg xabar berdi.

Manbaga ko‘ra, "Marsel" va "Nottingem" 21 yoshli futbolchi bilan shaxsiy shartnoma shartlari bo‘yicha kelishib olgan. Shu bilan birga, hozircha hech qaysi klub "Borussiya" rahbariyati bilan kelishuvga erisha olmagan. Dortmundliklar faqat futbolchini sotishni o‘ylamoqda va ijaraga bermoqchi emas.

Reyna "Borussiya"da 2019 yildan beri o‘ynab kelmoqda. Joriy mavsumda vinger dortmundliklar safida barcha turnirlarda 12 ta o‘yinda maydonga tushdi.