Kot-d’Ivuar futbol federasiyasi Jan-Lui Gass iste’foga chiqarilganidan keyin uning o‘rniga bosh murabbiy qidirmoqda.

L’Equipe nashri xabariga ko‘ra, mahalliy federasiya rahbariyati bosh murabbiyning Afrika millatlar kubogi yakuniga qadar qolishi mumkinligidan norozi va shuning uchun Kot-d’Ivuar Erve Renarni taklif qilishdan manfaatdor.

Qayd etilishicha, Fransiya ayollar terma jamoasining amaldagi bosh murabbiyi ivuarliklarning uy qit’a turniri yakuniga qadar ijaraga berilishi mumkin.

Eslatib o‘tamiz, Renar Marokash, Zambiya, Saudiya Arabistoni va Kot-d’Ivuar terma jamoalari bilan ishlagani bilan tanilgan, fransiyalik murabbiy 2015 yilda Afrika Millatlar kubogida g‘olib chiqqan edi.