Ispaniya kubogi chorak final bosqichidan o‘rin olgan so‘nggi uchrashuv «Atletiko» va «Sevilya» jamalari o‘rtasida bo‘lib o‘tdi.

Uchrashuvdagi yagona gol 79-daqiqada urildi. Bu vaziyada Korrea jarima maydonida qanotida to‘pni qabul qilib, Markaoni aldab o‘tdi va darvoza yaqiniga uzatma berdi. Memfiy Depay esa to‘pni to‘rga joyladi.

"Sevilya" hisobni tenglashtirishi mumkin edi. Ikkinchi bo‘limga qo‘shib berilgan 5-daqiqada hakam madridliklar darvozasiga penalti belgiladi. Ammo bu penalti VAR yordamida bekor qilindi. Boisi, himoyachi Barrios hujumchini yiqitishdan avval to‘pga o‘ynagani ayon bo‘ldi.

Shu tariqa, «Atletiko» 1:0 hisobida g‘alaba qozondi va yarim finalga chiqdi. «Atletiko»dan tashqari «Real Sosyedad», «Atletik» va «Malyorka» klublari ham musobaqa yarim finali yo‘llanmasini qo‘lga kiritgan. Bugun yarim finalga qur’a tashlash marosimi bo‘lib o‘tadi.

Ispaniya kubogi, chorak final
Atletiko – Sevilya 1:0 (0:0, 1:0)
Gol: 1:0 – 79 Depay.
Atletiko – Oblak, Molina (Lyorente, 56), Ximenes, Ermoso, Vitsel, Koke, Saul (Barrios, 56), De Pol, Grizmann (Korrea, 66), Morata (Depay, 66), Lino.
Sevilya – Nyuland, Navas (Xuanlu Sanches, 70), Ramos, Markao Teysheyra, Nyanzu, Pedrosa (Akunya, 83), Oliver Torres (Rakitich, 51), Sou (Rafa Mir, 83), Sumare, Okampos, Romero (Lamela, 70).
Ogohlantirishlar: Oliver Torres (33), Ramos (39), Pedrosa (62), Ximenes (63), Ermoso (71), Lamela (73), Koke (75), Rakitich (82), Simeone (90), Rafa Mir (90).