"Malyorka" bir kun avval Ispaniya kubogi 1/4 finali doirasida o‘z uyida "Jirona"ni mag‘lub etdi (3:2) va turnirning yarim finaliga yo‘l oldi.

Uchrashuvning 35-daqiqasiga kelib mezbonlar 3ta to‘p farqi bilan oldinga chiqib olishdi, shundan so‘ng ular ikkinchi bo‘limda ikki marta to‘p o‘tkazib yubordi, ammo baribir g‘alabali natijani saqlab qoldi.

Ushbu o‘yinda "Malyorka" tennis afsonasi Rafael Nadaldan tomonidan qo‘llab-quvvatlandi. "Real Madrid"ga muxlislik qiluvchi Malyorkada tug‘ilgan tennischi bu gal o‘z ona oroli jamoasini qo‘llab-quvvatlashga qaror qildi va o‘yin davomida stadionda hozir bo‘ldi.

Bellashuvdan so‘ng, bir vaqtlar "Malyorka" aksiyalarining bir qismiga egalik qilgan Nadal "orolliklar"ni bu muvaffaqiyatlari bilan shaxsan tabrikladi.