"Manchester Yunayted"ning stadioni zo‘r bo‘lmagani sababli klub reytingda pastlagan. "Deloitte Football Money League" nashrining xabar berishicha, daromadlarni yaxshilash uchun Ser Jim Retkliff "Tottenxem Xotspur" tajribasini qo‘llashi kerak. Ya’ni, "qizil iblislar" stadioni to‘liq rekonstruksiya qilinishi lozim.
"Manchester Yunayted" 2022/23 yilgi mavsumda 65 milliondan 648 million funtgacha foyda ko‘rgan. Bu esa klub tarixidagi rekord daromad sanaladi. Shunga qaramay, mankunianliklar yuqoridagi nashr taqdim etgan jadvalda beshinchi o‘rinda e’tirof etilmoqda. Masalan, "Manchester Siti" 718.2 million funt bilan daromadlar borasida "MYU"dan ancha oldinlab ketgan.
"Tottenxem" 62 ming odam sig‘adigan stadioni bilan har bir o‘yindan 6 million funtgacha foyda oladi. Shu orqali londonliklar jadvalda 8 o‘ringa ko‘tarilgan. "Shporlar"ning mavsumiy daromad ko‘rsatkichlari ilk bor 549.2 million funtni tashkil etdi.
"Deloitte" nashri muxbiri Tim Brij "MYU" daromadlari haqida shunday deydi: "Ular bemalol qilingan xarajatlarni qaytara olish imkoniga ega. "MYU"da tijoriy hamkorlikdan keladigan juda katta richaglar mavjud. Masalan, "Old Trafford"ning o‘zidan klub har mavsumda 100 million funtdan ko‘p ishlab topadi. Agarda ularda ham "Tottenxem" kabi katta sig‘imga ega bo‘lgan stadion bo‘lganida, "MYU" APLda eng yirik daromad qilayotgan klub bo‘lardi. Bunga shubha yo‘q".
"Liverpul" daromadlar borasida yangi mavsumdan 7 o‘ringa tushib qoldi. Mersisaydliklar ilgari uchinchi o‘rinda qayd etilardilar. Shuningdek, "Chelsi"da ham tushish kuzatilgan. Negaki, bu jamoaning daromadlari 30 million funtga o‘sdi xolos.
"Arsenal" esa 100 million funt qo‘shimcha daromad bilan 10 o‘rinni band etdi. Umumiy jadvalga nazar solsangiz, "Real" yetakchi ekaniga guvoh bo‘lasiz. Qolaversa, jadvalning kuchli beshligida "Barselona" va "PSJ" ham mavjud.
ISMATOV J.
