"Манчестер Юнайтед"нинг стадиони зўр бўлмагани сабабли клуб рейтингда пастлаган. "Deloitte Football Money League" нашрининг хабар беришича, даромадларни яхшилаш учун Сер Жим Рэтклифф "Тоттенхэм Хотспур" тажрибасини қўллаши керак. Яъни, "қизил иблислар" стадиони тўлиқ реконструкция қилиниши лозим.

"Манчестер Юнайтед" 2022/23 йилги мавсумда 65 миллиондан 648 миллион фунтгача фойда кўрган. Бу эса клуб тарихидаги рекорд даромад саналади. Шунга қарамай, манкунианликлар юқоридаги нашр тақдим этган жадвалда бешинчи ўринда эътироф этилмоқда. Масалан, "Манчестер Сити" 718.2 миллион фунт билан даромадлар борасида "МЮ"дан анча олдинлаб кетган.
"Тоттенхэм" 62 минг одам сиғадиган стадиони билан ҳар бир ўйиндан 6 миллион фунтгача фойда олади. Шу орқали лондонликлар жадвалда 8 ўринга кўтарилган. "Шпорлар"нинг мавсумий даромад кўрсаткичлари илк бор 549.2 миллион фунтни ташкил этди.

"Deloitte" нашри мухбири Тим Бриж "МЮ" даромадлари ҳақида шундай дейди: "Улар бемалол қилинган харажатларни қайтара олиш имконига эга. "МЮ"да тижорий ҳамкорликдан келадиган жуда катта ричаглар мавжуд. Масалан, "Олд Траффорд"нинг ўзидан клуб ҳар мавсумда 100 миллион фунтдан кўп ишлаб топади. Агарда уларда ҳам "Тоттенхэм" каби катта сиғимга эга бўлган стадион бўлганида, "МЮ" АПЛда энг йирик даромад қилаётган клуб бўларди. Бунга шубҳа йўқ".

"Ливерпуль" даромадлар борасида янги мавсумдан 7 ўринга тушиб қолди. Мерсисайдликлар илгари учинчи ўринда қайд этилардилар. Шунингдек, "Челси"да ҳам тушиш кузатилган. Негаки, бу жамоанинг даромадлари 30 миллион фунтга ўсди холос.
"Арсенал" эса 100 миллион фунт қўшимча даромад билан 10 ўринни банд этди. Умумий жадвалга назар солсангиз, "Реал" етакчи эканига гувоҳ бўласиз. Қолаверса, жадвалнинг кучли бешлигида "Барселона" ва "ПСЖ" ҳам мавжуд.

ИСМАТОВ Ж.