Italiyaning “Milan” futbol klubi o‘zining ijtimoiy tarmoqlarida Milliy basketbol assosiasiyasining afsonasi Kobi Brayant vafotining 4 yilligi munosabati bilan post e’lon qildi.
Afsonaviy basketbolchining surati ilova qilingan X ijtimoiy tarmog‘idagi postda "Kobe har doim biz bilan, biz sizni sog‘inamiz", deya yozildi.
Kobi Brayant bir necha bor “Milan” futbol klubiga muhabbatini tan olgan va o‘zini muxlis deb hisoblagan.
Brayant professional faoliyati davomida "Los-Anjeles Leykers" jamoasida o‘ynagan. U Milliy Basketbol Assosiasiyasining besh karra chempioni, ikki karra Finalning eng yaxshi sovrindori va 2008 yilgi MVP bo‘lgan. Kobe AQSH terma jamoasi bilan ikkita Olimpiya oltin medalini qo‘lga kiritdi.
Eslatib o‘tamiz, Kobi Brayant 2020 yilning 26 yanvarida vertolyot halokatida vafot etgan.