Италиянинг “Милан” футбол клуби ўзининг ижтимоий тармоқларида Миллий баскетбол ассоциациясининг афсонаси Коби Брайант вафотининг 4 йиллиги муносабати билан пост эълон қилди.
Афсонавий баскетболчининг сурати илова қилинган Х ижтимоий тармоғидаги постда "Кобе ҳар доим биз билан, биз сизни соғинамиз", дея ёзилди.
Коби Брайант бир неча бор “Милан” футбол клубига муҳаббатини тан олган ва ўзини мухлис деб ҳисоблаган.
Брайант профессионал фаолияти давомида "Лос-Анжелес Лейкерс" жамоасида ўйнаган. У Миллий Баскетбол Ассоциациясининг беш карра чемпиони, икки карра Финалнинг энг яхши совриндори ва 2008 йилги МВП бўлган. Кобе АҚШ терма жамоаси билан иккита Олимпия олтин медалини қўлга киритди.
Эслатиб ўтамиз, Коби Брайант 2020 йилнинг 26 январида вертолёт ҳалокатида вафот этган.
