Braziliya futbol federasiyasi “Monako” sport direktori Tyago Skuroni terma jamoada xuddi shunday lavozimni egallashni taklif qildi.

42 yoshli braziliyalik mutaxassis butun e’tiborini "Monako"dagi ishiga qaratgani uchun taklifni rad etdi.

Skuro fransuz klubida o‘tgan yozdan beri ishlab kelmoqda. Oktyabr oyida u "Monako" boshqaruviga a’zo bo‘ldi.

Bungacha braziliyalik faqat o‘z vatanida ishlagan - u Braziliyaning bir qancha klublari, xususan, "Red Bull Brazil" va "Kruzeyro" klublarida rahbarlik lavozimlarida ishlagan.