Ispaniya chempionatining 22-turi doirasida «Real» safarda «Las Palmas» klubi mehmoni bo‘lib, irodali g‘alabani qo‘lga kiritdi.

Anchelotti jamoasi birinchi bo‘limda bir nechta vaziyatga ega bo‘lganiga qaramay, tanaffusga qadar hisob ochilmadi.

Ikkinchi bo‘lim boshida mezbonlar hisobni ochishga muvaffaq bo‘ldi. "Real" esa muxlislarni uzoq kuttirmasdan hisobni tenglashtirdi. Kamavinganing uzatmasidan keyin Vinisius jarima maydoniga kirdi va aniq zarba bilan hisobni tenglashtirdi.

O‘yin tugashiga 6 daqiqa qolganida esa "Qirollik klubi" ikkinchi golni urdi. Kroos tomonidan burchakdan yetkazilgan uzatmani Tchuameni bosh bilan darvozaga joyladi.

Ushbu g‘alaba tufayli "Real" o‘z ochkolarini 54 taga yetkazdi va yana peshqadamga aylandi.

Ispaniya La ligasi, 22-tur
Las-Palmas – Real Madrid 1:2 (0:0)
Gollar: 1:0 – 53 Xavi Munyos, 1:1 – 65 Vinisius Junior, 1:2 – 84 Tchuameni.
Las-Palmas – Valyes, Marvin (Ersog, 69), Suares, Marmol, Kardona, Moleyro (Luaodis, 69), Xavi Munyos (Kaba, 89), Rodriges, Perrone, Munir (Pexinyo, 78), Sandro Ramires (Kardona, 78).
Real Madrid – Lunin, Karvaxal, Nacho, Ryudiger, Fran Garsiya, Kroos, Sebalyos (Valverde, 59), Braim Dias (Xoselu, 59), Kamavinga (Tchuameni, 81), Vinisius Junior (Mendi, 90), Rodrigo (Gyuler, 81).
Ogohlantirishlar: Rodrigo (5), Rodriges (55), Xavi Munyos (82), Perrone (90), Mendi (90).