Испания чемпионатининг 22-тури доирасида «Реал» сафарда «Лас Пальмас» клуби меҳмони бўлиб, иродали ғалабани қўлга киритди.

Анчелотти жамоаси биринчи бўлимда бир нечта вазиятга эга бўлганига қарамай, танаффусга қадар ҳисоб очилмади.

Иккинчи бўлим бошида мезбонлар ҳисобни очишга муваффақ бўлди. "Реал" эса мухлисларни узоқ куттирмасдан ҳисобни тенглаштирди. Камавинганинг узатмасидан кейин Винисиус жарима майдонига кирди ва аниқ зарба билан ҳисобни тенглаштирди.

Ўйин тугашига 6 дақиқа қолганида эса "Қироллик клуби" иккинчи голни урди. Кроос томонидан бурчакдан етказилган узатмани Тчуамени бош билан дарвозага жойлади.

Ушбу ғалаба туфайли "Реал" ўз очколарини 54 тага етказди ва яна пешқадамга айланди.

Испания Ла лигаси, 22-тур
Лас-Пальмас – Реал Мадрид 1:2 (0:0)
Голлар: 1:0 – 53 Хави Муньос, 1:1 – 65 Винисиус Жуниор, 1:2 – 84 Тчуамени.
Лас-Пальмас – Вальес, Марвин (Эрцог, 69), Суарес, Мармоль, Кардона, Молейро (Луаодис, 69), Хави Муньос (Каба, 89), Родригес, Перроне, Мунир (Пехиньо, 78), Сандро Рамирес (Кардона, 78).
Реал Мадрид – Лунин, Карвахаль, Начо, Рюдигер, Фран Гарсия, Кроос, Себальос (Вальверде, 59), Браим Диас (Хоселу, 59), Камавинга (Тчуамени, 81), Винисиус Жуниор (Менди, 90), Родриго (Гюлер, 81).
Огоҳлантиришлар: Родриго (5), Родригес (55), Хави Муньос (82), Перроне (90), Менди (90).