Ispaniya chempionatining yigirma ikkinchi turida “Barselona” “Vilyarreal”ga 3:5 hisobida imkoniyatni boy berib, navbatdagi mag‘lubiyat alamini totib ko‘rdi.
"Barselona"ning niderlandiyalik yarim himoyachisi Frenki de Yongning fikricha, uning jamoasi raqiblariga osonlikcha gol urishga imkon berdi.
"Bu bizning eng yaxshi o‘yinimiz emas edi, yakunda mag‘lub bo‘ldik. Vaziyatni o‘zgartirishimiz kerak, tajribali jamoa raqibga bunchalik ko‘p imkoniyat bera olmaydi.
Ular biz uchun juda oson gol urishdi", - deya de Yongning so‘zlarini keltiradi klub rasmiy sayti.
Chempionatning navbatdagi turida "Barselona" "Osasuna"ga qarshi o‘yin o‘tkazishi kerak, bu yanvar oyining so‘nggi kunida sodir bo‘ladi.
