Испания чемпионатининг йигирма иккинчи турида “Барселона” “Вильярреал”га 3:5 ҳисобида имкониятни бой бериб, навбатдаги мағлубият аламини тотиб кўрди.
"Барселона"нинг нидерландиялик ярим ҳимоячиси Френки де Йонгнинг фикрича, унинг жамоаси рақибларига осонликча гол уришга имкон берди.
"Бу бизнинг энг яхши ўйинимиз эмас эди, якунда мағлуб бўлдик. Вазиятни ўзгартиришимиз керак, тажрибали жамоа рақибга бунчалик кўп имконият бера олмайди.
Улар биз учун жуда осон гол уришди", - дея де Йонгнинг сўзларини келтиради клуб расмий сайти.
Чемпионатнинг навбатдаги турида "Барселона" "Осасуна"га қарши ўйин ўтказиши керак, бу январь ойининг сўнгги кунида содир бўлади.
