Angliyaning "Tottenxem" klubi himoyachisi Radu Dregushin manfaatlarini himoya qiluvchi futbol agenti Florin Mani futbolchi nima uchun "Bavariya"ga o‘tishdan bosh tortganini tushuntirib berdi.

"Bavariya"dan taklif tushsa, sekinlashib, unga baho berish kerak. Biz ulardan bu haqda o‘ylab ko‘rish uchun bir kecha-kunduz so‘radik, ammo biz allaqachon “Tottenxem”ga so‘zimizni bergan edik. Tuxel shaxsan Raduga qo‘ng‘iroq qildi, u bilan yarim soat gaplashdi. Men u aytgan hamma narsani eshitdim. Tuxel Dregushindan o‘ng qanot himoyasida ham o‘ynay oladimi, deb so‘radi, ammo Tomas aynan shu yerda Radudan foydalanmoqchi ekanligini aytmadi. O‘shanda futbolchi o‘z tanlovini "Tottenxem" foydasiga hal qilib bo‘lgandi", - deya Mani so‘zlarini keltiradi Fanatik.

Dregushin “Jenoa” safida 2022 yildan buyon o‘ynab kelayotgandi. Joriy mavsumda himoyachi Genuya klubi safida barcha turnirlarda 22 ta o‘yin o‘tkazib, 2 ta gol va bitta golli uzatmaga mualliflik qilgan.