"Manchester Siti"dan ijaraga olingan "Jirona" futbolchisi Yan Kouto "Real"ga o‘tishi mumkin. "Qirollik klubi" avvalroq braziliyalik futbolchiga da’vogarlar qatoridan joy olgandi.
Jurnalist Xose Feliks Diasning yangilangan ma’lumotlariga ko‘ra, "Real" 21 yoshli futbolchini sotib olish variantini tobora ko‘proq yoqtirmoqda. “Jirona” yetakchilaridan birining bozor qiymati 10 million yevroga baholanmoqda, ammo “Manchester Siti” bundan salmoqliroq summa so‘rashi kutilmoqda.
Yan Kouto himoyaning o‘ng qanotida ham, hujumga yaqinroq ham o‘ynashga qodir. Joriy mavsumda u “Jirona” safida 26 ta o‘yinda maydonga tushib, 2 ta gol va 7 ta golli uzatmaga mualliflik qilgan.
