"Манчестер Сити"дан ижарага олинган "Жирона" футболчиси Ян Коуто "Реал"га ўтиши мумкин. "Қироллик клуби" аввалроқ бразилиялик футболчига даъвогарлар қаторидан жой олганди.
Журналист Хосе Феликс Диаснинг янгиланган маълумотларига кўра, "Реал" 21 ёшли футболчини сотиб олиш вариантини тобора кўпроқ ёқтирмоқда. “Жирона” етакчиларидан бирининг бозор қиймати 10 миллион еврога баҳоланмоқда, аммо “Манчестер Сити” бундан салмоқлироқ сумма сўраши кутилмоқда.
Ян Коуто ҳимоянинг ўнг қанотида ҳам, ҳужумга яқинроқ ҳам ўйнашга қодир. Жорий мавсумда у “Жирона” сафида 26 та ўйинда майдонга тушиб, 2 та гол ва 7 та голли узатмага муаллифлик қилган.
