"Bavariya" haligacha chap qanot himoyachisi Alfonso Devis bilan yangi shartnoma borasida kelisha olmayapti. Insayder Frenk Linkes ma’lumotlariga ko‘ra, "qizil mashina" lageridagilar hozirgi vaziyatda agentlar aybdor deb hisoblashadi.
Devis "Bavariya"dan maoshini ikki baravar oshirishni talab qilmoqda. Futbolchi yiliga 13 million yevro ishlab olmoqchi, rahbariyat bunga tayyor emas.
"Real" 23 yoshli kanadalik futbolchini kelasi yozda qo‘lga kiritmoqchi. Bir yarim yildan so‘ng Devisning "Bavariya" bilan shartnomasi tugaydi, Qirollik klubi bundan foydalanishga tayyor.
