Bugundan Respublika futbol bo‘yicha sport mahoratini oshirish oliy maktabida hakamlar uchun qishki o‘quv-mashg‘ulot yig‘inlari boshlandi. Dastlab hakamlar jismoniy hamda video testlar topshirgan bo‘lishsa, kunning ikkinchi qismida o‘yin qoidalari yuzasidan nazariy imtihonda ishtirok etishdi.
Yakunda barcha test va imtihonlarni muvaffaqiyatli topshirgan hakamlar hafta so‘nggiga qadar o‘quv-yig‘in mashg‘ulotlarida ishtirok etishadi.
Ma’lumot o‘rnida, bugungi test va imtihonda Superliganing 45 nafar bosh va yordamchi hakamlari ishtirok etishmoqda. Mazkur yig‘in 2 fevralga qadar davom etadi.
Qishki o‘quv-yig‘inlari haqida qo‘shimcha ma’lumot berib boriladi.
