Бугундан Республика футбол бўйича спорт маҳоратини ошириш олий мактабида ҳакамлар учун қишки ўқув-машғулот йиғинлари бошланди. Дастлаб ҳакамлар жисмоний ҳамда видео тестлар топширган бўлишса, куннинг иккинчи қисмида ўйин қоидалари юзасидан назарий имтиҳонда иштирок этишди.
Якунда барча тест ва имтиҳонларни муваффақиятли топширган ҳакамлар ҳафта сўнггига қадар ўқув-йиғин машғулотларида иштирок этишади.
Маълумот ўрнида, бугунги тест ва имтиҳонда Суперлиганинг 45 нафар бош ва ёрдамчи ҳакамлари иштирок этишмоқда. Мазкур йиғин 2 февралга қадар давом этади.
Қишки ўқув-йиғинлари ҳақида қўшимча маълумот бериб борилади.
