Seshanba oqshomida Angliya chempionatida "Aston Villa" va "Nyukasl" o‘yini bo‘lib o‘tadi.

Ilk davrada villaliklar safarda "qarg‘alar"ga imkoniyatni boy berib, – 1:5 hisobida yutqazishgandi.

Birmingem jamoasi bosh murabbiyi Unai Emeri bu natija ikkinchi davradagi qarama-qarshilikka ta’sir qiladimi, degan savolga javob berdi.

"O‘shanda biz qandaydir yomon vaziyatlarni boshdan kechirdik. O‘ylaymanki, biz o‘sha o‘yindan so‘ng buning ustida ishladik, vaziyatni yaxshilash uchun tahlil qilishga harakat qildik.

O‘ylaymanki, yangi o‘yinda hammasi butunlay boshqacha bo‘ladi", - dedi Emeri dushanba kuni bo‘lib o‘tgan matbuot anjumanida jurnalistlarga.