Italiya chempionatining navbatdagi, yigirma uchinchi turining markaziy o‘yini chempionatning ikki yetakchisi – “Inter” va Turinning “Yuventus” jamoalari o‘rtasidagi uchrashuv bo‘ladi. “Inter” himoyachisi Stefan de Vrey bu o‘yinda maydonga tushishni sabrsizlik bilan kutayotganini tan oldi.
"Bu o‘yinda o‘ynashni sabrsizlik bilan kutyapman. O‘tgan dam olish kunlaridagi natijalar biz uchun ijobiy bo‘ldi, biroq biz o‘z natijalarimizga qarashga va boshqalarga e’tibor bermaslikka harakat qilamiz", deya niderlandiyalik himoyachining so‘zlarini keltiradi pianetamilan.it.
Italiya chempionati peshqadamlari o‘rtasidagi uchrashuv 4 fevral, yakshanba kuni bo‘lib o‘tadi.
