Италия чемпионатининг навбатдаги, йигирма учинчи турининг марказий ўйини чемпионатнинг икки етакчиси – “Интер” ва Туриннинг “Ювентус” жамоалари ўртасидаги учрашув бўлади. “Интер” ҳимоячиси Стефан де Врей бу ўйинда майдонга тушишни сабрсизлик билан кутаётганини тан олди.
"Бу ўйинда ўйнашни сабрсизлик билан кутяпман. Ўтган дам олиш кунларидаги натижалар биз учун ижобий бўлди, бироқ биз ўз натижаларимизга қарашга ва бошқаларга эътибор бермасликка ҳаракат қиламиз", дея нидерландиялик ҳимоячининг сўзларини келтиради pianetamilan.it.
Италия чемпионати пешқадамлари ўртасидаги учрашув 4 февраль, якшанба куни бўлиб ўтади.
